Gjykata lë në burg ish-drejtorin e burgut të Fushë Krujës, ja akuzat

Durim Toska, ish-drejtori i burgut të Fushë-Krujës është njohur sot me masën e sigurisë.

Gjykata ka vendosur masën e sigurisë “arrest me burg” për ish drejtorin e burgut që dhunoi pak ditë më parë bashkëshorten e tij ndërsa gjatë kontrollit të ushtruar në banesën e tij u gjet edhe edhe armë zjarri me municion të cilën 52 vjeçari e posedonte pa leje.

Ndërkohë, mësohet se bashkëshortja e tij është tërhequr nga akuza për dhunë.

Lidhur me armën që i është gjetur në banesë, Toska ka thënë se nuk ka dijeni.

Një ditë përpara arrestimit të tij, ministri i Drejtësisë Ulsi Manja, njoftoi shkarkimin e tij, “pas propozimit të Drejtorit të Përgjithshëm të Burgjeve, duke e bazuar vendimin në kritere etike dhe ligjore të cenuara nga Durim Toska”.