Gjykata e Tiranës ka dhënë ditën e sotme masën e sigurisë “arrest me burg” për Roni Spaho, i arrestuar për grabitjen me dhunë në bashkëpunim në rrugën e Kavajës pak ditë më parë.
Spaho është kapur me vlerat monetare (rreth 3 milion lekë të reja), teksa po shkonte ti merrte ato në vendin ku ishin lënë ditën e grabitjes, ndërsa i janë gjetur edhe sende të tjera të përdorura për grabitjen.
Gjithashtu Prokuroria ka paraqitur si provë planin e grabitjes dhe disa mesazhe që Spahi ka shkëmbyer me personat e shpallur në kërkim.
Kujtojmë se çanta me 3 milionë lekë të reja që autorët i grabitët punonjësit të pikës së këmbimit të parave, e fshehën në një pusetë pranë vendngjarjes.
