Përfaqësuesi ligjor i Lulzim Bashës, Indrit Sefa në një deklaratë për mediat tha se vendimi i sotëm nga Gjykata e Tiranës nuk krijon asnjë problem në organizim të brendshëm në PD.
Gjykata e PD-së vendosi të pezullojë regjistrimin e statutit të PD-së të miratuar nga Kuvendi i 2 shtatorit, bazuar në një ankim të bërë nga grupimi i Gazment Bardhit, që kundërshtonte thirrjen e Kuvendit dhe ndryshimet statutore.
Por, përfaqësuesi i Lulzim Bashës, Indrit Sefa tha se megjithëse Gjykata pezulloi gjykimin e çështjes, PD do të drejtohet me statutin e miratuar në Kuvendin e 2 shtatorit.
”Në lidhje me organet legjitime të PD, keni vendimmarrje që e kanë ndarë çështjen e përfaqësimit të PD, që njeh kryetar zotin Lulzim Basha. Ke vendimin e KAS-it me të njëjtën vendimmarrje. Kjo është një çështje që në bazë të ligjit, ka një rregull që çdo ndryshim ligjor t’I paraqitet gjykatës.
Ne iu drejtuam Gjykatës, por nëse palët e tjera nuk duhen të përballen me argumenta, është puna e tyre.
Ne jemi gati të përballemi. Çdo vendimmarje e statutit të PD, është në fuqi për organizimin e brendshëm në PD.
Vendimi i sotëm i Gjykatës nuk ndryshon asgjë në funksionimin e PD-së. Ne do të funksionojmë në bazë të Statutit të 2 shtatorit.
Në regjistrin e partive politike regjistrohen vetëm ndryshimet. Ne nuk kemi asnjë problematikë në lidhje me vendimmarrjen. Gjyqi nuk ka lidhje me kryetarin”, tha ai.
Discussion about this post