Gazetari dhe analisti i njohur, Andi Bushati, ka reaguar në lidhje me vendimin e Gjykatës së Tiranës, për pezullimin e Armand Dukës nga ushtrimi i Presidentit të FSHF-së. Me anë të një postimi në facebook, Bushati shkruan se metoda se si po veprojnë gjykatat e përdhosura në Shqipëri, me urdhër të Veliajt, Shqipëria mund të jetë vendi i dytë pas Rusisë së Putinit që nisi një luftë, të cilës mund t’i anulohet një finale europiane në futboll.
“Kështu si po veprojnë gjykatat e përdhosura në Shqipëri, me urdhër të Veliajt, Shqipëria mund të jetë vendi i dytë pas Rusisë së Putinit që nisi një luftë, të cilës mund t’i anulohet një finale europiane në futboll” – shkruan Andi Bushati në reagimin e tij të shkurtër në Facebook.
Kujtojmë se Gjykata e Tiranës e cila i ka përkthyer me vendime fjalët që ka thënë kryebashkiaku Erion Veliaj, edhe ditën e sotme bëri veprimin e radhës me urdhër të tij. Gjykata e Tiranës ka pezulluar sot Armand Dukën nga ushtrimi i detyrës së Presidentit të Federatës Shqiptare të Futbollit. Por, ndryshe nga pesë vendimet e mëparshme të gjykatave, të cilat kanë qenë të karakterit civil, vendimi i sotëm është penal ndaj Armand Dukës.
Discussion about this post