Gjykata e Tiranës ka miratuar statutin e Berishës të dalë nga kuvendi I 11 Dhjetorit. Me këtë vendim automatikisht zhbëhet statuti i Lulzim Bashës dhe vendimet e marra në Kuvendin e mbledhur prej tij me 17 korrik të vitit të shkuar.
Pas vendimit, kryetari i komanduar i PD, Enkelejd Alibeaj, ka dalë urgjent në një komunikim për mediat.
“Sic e dini ju gjyqtari vetë ka deklaruar njohjet e veta anësinë e vet në këtë proces. Në tejkalim të ligjit ka marr në shqyrtim cështjen. PD ka bërë ankim për regjistrimin e kuvendit të 18 dhjetorit. Është i fundit kuvend që PD ka realizuar. Çështja është në apel bashkë me provat.
Gjyqtari i sotëm nuk ka patur asnjë dosje. Ka marrë një vendim, pa patur prova e dosje. Pa patur palë. Që një vendim të ketë efekt duhet të ishim edhe ne palë. Janë element që për këdo i lind e drejta të paraqesë një kallëzim penal për gjyqtarit.” u shpreh Alibeaj.
Discussion about this post