Në Gjykatën Speciale është dorëzuar një aktakuzë e re nga Zyra e Prokurorit të Specializuar e cila është e ndryshuar, kundër ish-presidentit Hashim Thaçi, ish-kryeparlamentarëve Kadri Veseli e Jakup Krasniqi, si dhe ish-deputetit të Lëvizjes Vetëvendosje, Rexhep Selimi.
Formati i përpunuar i aktakuzës së re është publikuar nga Gjykata Speciale sot në faqen e internetit. Prokurori Jack Smith ka përfshirë disa krime që pretendohen se janë bërë në Suharekë dhe Gjilan, për të cilat akuzohen ish- politikanët dhe ushtarakët e UÇK-së.
Edhe në aktakuzën e re e cila është e ndryshuar, Prokuroria akuzon Thaçin, Veselin, Krasniqin e Selimin për vrasje, tortura, trajtim çnjerëzor e arrestime të paligjshme. Prokuroria vendos akuza për krime që supozohet të kenë ndodhur në disa banesa nga ish-drejtuesit e UÇK-së.
Ish-drejtuesit e UÇK-së akuzohen për krime lufte kundra njerëzimit dhe prokuroria i konsideron përgjegjës për Thaçin, Veselin, Krasniqin e Selimin për krime të cilat janë bërë në disa qendra ndalimi gjatë luftës në 1998-1999. Sipas organit të akuzës ata kanë qënë në dijeni të këtyre krimeve.
Jakup Krasniqi u arrestua në 4 nëntor 2020 dhe u dërguar në paraburgimin e Speciales ku një ditë më pas janë nisur dhe Hashim Thaçi, Kadri Veseli dhe Rexhep Selimi. Arrestimet kanë ardhur pasi një gjyqtar i Gjykatës Speciale kishte konfirmuar akuzat ndaj katër ish-krerëve të UÇK-së.
Discussion about this post