Paralelisht me zhvillimet që vijnë nga sheshi para Kryeministrisë dhe selia e blu, këtë të premte pritet që Gjykata e Apelit e Tiranës të japë edhe vendimin për vulën e Partisë Demokratike, që ndahet mes grupit të Rithemelimit të kryesuar nga Sali berisha, apo ajo do t’i mbesë Enkelejed alibeajt në cilësinë e kryetarit të emëruar pas dorëheqjes nga postin i kryetarit të Lulzim Bashës.
Përfaqësuesit ligjorë të PD-së së Rithemelimit, Oerd Bylykbashi dhe Ivi Kaso kanë mbërritur në Gjykatën e Apelit ku do te shqyrtohet çështja e vulës së ankimuar nga grupimi i Aliebeajt.
Seanca është parashikuar të mbahet në orën 11:00, ndërsa shorti ka përcaktuar që trupa gjykuese në Apel do të drejtohet nga gjyqtarja Elona Mihali, ndërsa në përbërje të tij si anëtarë do të jenë Irida Kacerja e Astrit Kalaja.
Treshja do të vendosë sa i përket ankimit të Partisë Demokratike ndaj vendimit të 25 Marsit 2022 të gjyqtarit të Shkallës së Parë, Agron Zhukri. Më 17 Janar, Gjykata e Apelit pushoi gjykimin për çështjen e PD-së, pasi grupimi i Alibeajt u tërhoq nga ankimi për bashkimin e dy statuteve. Gjyqtari Zhukri njohu statusin e Berishës, dalë nga Kuvendi i 11 Dhjetorit 2021.
Discussion about this post