Gjykata refuzon ekstradimin e ruses të dyshuar si spiune Svetlana Timofeeva. Gjykata ka pranuar kërkesën që ka bërë Prokuroria e Elbasanit. Timofeeva u arrestua pasi është futur në uzinën e Gramshit.
Svetlana Timofoeva është 33-vjeçarja ruse e cila u raportua nga autoritetet shqiptare si një nga tre personat e arrestuar, pasi kishin tentuar të hynin në uzinën ushtarake të Gramshit, duke lënduar edhe dy efektivë të Forcave të Armatosura të Shqipërisë.
Svetlana rezulton se prezantohet si fotografe dhe blogere, me pseudonimin Lana Sator. Fotografitë e saj janë publikuar në media të ndryshme ndërkombëtare, si CNN dhe Daily Mail.
Dhjetë vite më parë ajo udhëtonte në Rusi dhe vendet e ish-Bashkimit Sovjetik për të fotografuar bazat ushtarake të braktisura. Ndërsa në vitin 2019, fotografitë e realizuara prej saj në Katedralen e Notre Damme në Paris pas djegies u publikuan edhe në CNN.
Timofoeva u arrestua bashkë me rusin 24-vjeçar, Mikhail Zorin, dhe një shtetas me pasaportë ukrainase, të identifikuar si F.A, 25 vjeç. Ky shtetas dyshohet se ka edhe llogarinë në Instagram “cyanidium”, ku janë publikuar foto nga Shqipëria gjatë kohëve të fundit, me makinën Chevrolet me të cilën u arrestua. Autoritetet shqiptare dyshojnë se rusët kanë ardhur në vendin tonë për spiunazh.
Discussion about this post