“Gjykatat armike të grave”-Nis protesta për vrasjen e Liridonës

Ka nisur protesta e paralajmëruar për vrasjen e Liridona Ademajt, me porosi të bashkëshortit të saj, Naim Murselit.

Me qindra qytetarë kanë zbritur në shesh në Prishtinë, të cilët kërkojnë liri dhe barazi për gratë.

Qytetarët e pranishëm në protestë mbajnë në duar pankarta me mbishkrimet: “Gjykatat armike të grave”, “vrasësit e grave në burg”, “liri dhe barazi për gratë”, etj.

Kujtojmë se vrasja e Liridonës ka “trazuar” mbarë opinionin publik, edhe për shkak të dinamikës së ngjarjes, pasi fillimisht u raportua se ajo u vra gjatë një tentative grabitjeje dhe më pas rezultoi se vrasja ishte porositur nga bashkëshorti i saj.