Seanca paraprake që pritej të hetonte tenderin për uniformat e policisë së shtetit është shtyrë.
Shkak për këtë është bërë mungesa e pajisjes mjaftueshëm më letra për avokatët të cilët nuk kanë mundur të pajisen të gjithë me dosjen e ccështjes.
Seanca e rradhës u caktua në 10 nëntor, ora 09:00.
Për tenderin në fjalë akuzohen ish-drejtoresha e Agjencisë së Blerjeve të Përqendruara Edlira Naqellari dhe bashkëpunëtorët e saj Flutura Çekrezi, Ani Omuri, Kleivis Hasani, Anisa Bogdani, dhe anëtarët e komisionit të vlerësimit të ofertave, Kreshnik Bejkaj, Fatmir Demneri, Mariglen Buzali dhe Gëzim Mingaj akuzohen për shkelje të barazisë të tenderave.
Tenderi i uniformave ishte për një periudhë 4-vjeçare me vlerë mbi 2.8 miliardë lekë pa TVSH.
Sipas SPAK të gjithë këta persona kanë favorizuar bashkimin e kompanive të shpallura fituese në kundërshtim me ligjin.SPAK ka përgjuar dhe vëzhguar 9 të arrestuarit, ndërsa kanë qenë bashkëpunëtorët e drejtësisë ata që kanë ‘zbërthyer’ skemën e abuzimit me tenderin.
Ky tender është refuzuar të firmoset nga një anëtar i Komisionit dhe një anëtar i prokurimeve.
Procedurat e tenderimit nisën që në 2019-ën dhe sipas rregullave dhe ligjeve në fuqi, tenderi duhet të ishte i ndarë në tre pjesë të ndryshme, duke filluar më uniformat, këpucët dhe shpërndarja.
