Gjykata italiane ka dënuar 70 anëtarë të grupit të famshëm mafioz, Ndragheta.
Këtu bëhet fjalë për një nga gjyqet më të mëdhenj me të paktën 1000 dëshmitarë. Qindra avokatë kanë marrë pjesë në seancat gjyqësore. Mbi 355 anëtarë të mafias dhe zyrtarë të korruptuar pritet të përballen me drejtësinë për pjesëmarrje në grupe mafioze.
Gjyqet u zhvilluan me dyer të mbyllura në një sallë gjyqi të përgatitur posaçërisht në qytetin kalabrez të Lamezia Terme.
Për të pandehurit është në dispozicion një gjykim i përshpejtuar dhe ulje dënimi me një të tretën nëse shpalleshin fajtorë. Në këtë rast, gjyqtarët dënuan me nga 20 vite burg gjashtë persona. Mes të akuzuarve 21 persona u lanë të lirë.
Lista e gjatë e akuzave përfshin vrasje, tentativë vrasje, zhvatje, zbulim të sekreteve shtetërore, shpërdorim detyre dhe lakmi.
Ndrangheta është e përfshirë në një numër të madh aktivitetesh të paligjshme, ku më kryesorja është tregtia e kokainës dhe besohet se kjo organizatë mafioze kontrollon rreth 80 për qind të tregtisë evropiane të asaj droge.
Discussion about this post