Gjykata ka vendosur të shtyjë seancën mes deputetes së Partisë Demokratike Albana Vokshi dhe ministres së Arsimit Evis Kushi. Ishte kjo e fundit që ngriti padinë ndaj demokrates. Ndërkohë në një prononcim për mediat, Vokshi ka thënë se ky është një proces i stisur nga Kushi, e cila sipas saj duhet të kishte dhënë dorëheqjen ose duhej të ishte shkarkuar nga Rama.
“Të merrej një vendim ndaj një procesi të stisur nga ministrja Kushi. Unë në respekt të kësaj gjykate, të kohës dhe investimit të kësaj cështje. Prokuroria kërkoi të studionte fakte e dosje ndërkohë janë vënë në dispozicion, është kërkese e paprecedentë nga ana e prokurorisë, për të bërë kalvar dhe të mos jepet vendimi. Nëse do kishte nje pikë dinjiteti ministrja Kushi do kishte dhene doreheqjen. Babëzia e ka cuar arsimin në rrezik,në gjendje kome, duhet të jetë në mbrojtje të prindërve. Duan të më mbyllin gojën, mua, opozitës. Por ne nuk do të heshtim. Më datë 6 të bëhemi të gjithë bashkë”, deklaroi Vokshi.
Discussion about this post