Janë zbardhur detaje të reja lidhur me tragjedinë familjare që tronditi mëngjesin e sotëm Konispolin, ku Hysen Islamaj, 69-vjeç vrau me sëpatë gruan e tij, Shano Islamaj.
Mësohet se djali tyre, Klemendin Islamaj, 40-vjeç ishte në lokal kur ka ndodhur krimi dhe është lajmëruar nga vajza e tij e mitur, e cila i ka thënë se gjyshi kishte vrarë gjyshen me sëpatë.
Dyshohet se sapo ka arritur në banesë ai është konfliktuar me babain e tij dhe e ka hedhur nga shkallët. I moshuari ka ndërruar jetë në vendngjarje.
Sipas raportimeve trupat e viktimave janë marrë vetëm pak më parë nga ambulanca, për tu transportuar në morgun e spitalit të Sarandës. 40-vjeçari, i cili jetonte bashkë me prindërit, gruan dhe dy fëmijët e tyre, aktualisht është shoqëruar në polici dhe po merret në pyetje, mbi detajet e ngjarjes.
Ndërkohë, raportohet se babai i Hysen Islamajt, i njohur në fshat si Xhevit Cene, është dyshuar më parë për të paktën tre vrasje. Dhe të treja kanë qenë bashkëshortet e tij. Njërën nga bashkëshortet e ka vrarë duke e hedhur në gropë të gëlqeres, tjetrën e ka vrarë duke e hedhur në pus, ndërsa tjetrën e ka mbytur në lumë, duke e çuar në tre numrin e viktimave.
Lexo edhe:
Krim brenda familjes në Konispol/ Burri vret gruan, më pas humb jetën pas sherrit me djalin (Emrat)
Discussion about this post