Reperët Noizy dhe Stresi pas shumë vitesh armiqësi si duket kanë gjetur një mënyrë për të sheshuar sherret mes tyre. Pas konfirmimit për fansat se i kanë dhënë fund debateve mes tyre, Noizy ka mbështetur publikisht projektin muzikor të ish-rivalit të tij, Stresit.
Mirëpo, ajo që tërhoqi vëmendjen ka qenë mbishkrimi me të cilin e ka shoqëruar Stresi pas rishpërndarjes së postimit në rrjetin social, Instragram. “Gjysma ime ti”, ka shkruar reperi shoqëruar me emojin e një peshkaqeni.
Kujtojmë që Stresi iu përgjigj pyetjes që merr më së shumti tani nga ndjekësit. Kur do të vijë me një duet me Noizy-n?
“E rëndësishme është që gëzojmë respekt për njëri-tjetrin dhe jemi bashkë. Për të tjerat vijnë vetë pa plane. Respekt për të gjithë fansat. Vetëm kështu të bashkuar, nuk ka asgjë që na thyen.“, tha ai.
Discussion about this post