Gazetari i njohur Artan Hoxha ka reaguar me tonë të ashpra për mënyrën e trajtimit të lajmit për vdekjen e të riut Lear Kurti pas shoqërimit nga policia, duke thënë se kërkon nga mediat një fakt të vetëm lidhur me lajmet që u publikuan për 32-vjeçarin.
Vetëm pak pas njoftimit të ngjarjes së rëndë, në media u krijua një kakofoni ku thuhej se i riu përdorte drogë, vuante nga epilepsia, ishte me precedentë penalë dhe madje ishte pjesë e grupit të kriminelit të njohur Emiliano Shullazi.
Nisur nga këto lajme, të cilat nuk janë vërtetuar ende, Hoxha shkruan se nuk duhej të ishte hedhur baltë për të shkuarën e të riut pa shkuar ende në banesë arkivoli me trupin e viktimës dhe pa dalë raporti mjeko-ligjor apo ekspertiza.
Ndër të tjera, ai thotë se edhe nëse këto lajmet janë të vërteta, në asnjë mënyrë nuk duhet justifikuar humbja e jetës së tij në atë mënyrë.
Discussion about this post