Glauk Olldashi, djali i Sokol Olldashit, ka komentuar gjatë një interviste televizive Kuvendin Kombëtar të PD të thirrur sot nga Berisha. Olldashi tha se në Kuvendin e sotëm ka mbizotëruar transparenca dhe shpresa për të ringritur PD-në. Më tutje ai tha se me 18 dhjetor nuk do të ketë Kuvend, duke e quajtur të turpshëm veprimin e Bashës për të mbledhur një anti-Kuvend.
“Ishte një Kuvend ku mbi të gjitha transparenca prevalonte dhe besoj se nuk ka nevojë për fjalë se aty çdo gjë shihej me sy. Aprovimet e anëtarësisë nen për nen nuk bëhen me votim të fshehtë se është fizikisht e pamundur, pra votimi me ngritje dore është mënyra e vetme që mund të bëhet. Gojët e liga do të flasin gjithmonë. Vendimin e merr Këshilli Kombëtarë dhe anëtarësi, duke qenë se jemi ende në numërim, nuk mund t’i themi vendim se është duke u numëruar, fjala e sovranit do të na tregojë.
Referendumi është referendumi i të gjithë anëtarësisë. Ai Kuvendi nëse do ishte siç u thirr në fillim me kërkesë të kryetarit do ishte në rregull, por ai Kuvend degradoi në një Kuvend ku elementë të caktuar kapnin lloj e soj dhe i thonin firmos. E turpshme, jo vetëm ata, por për të gjithë demokratët, nuk duhej arritur deri në këtë pikë. Secili që mendon veten të aftë për ta ushtruar funksionin e kryetarit të PD është i lirë të kandidojë, në fund të ditës vota është ajo që vendos çdo gjë”, tha Olldashi. Kujtojmë se edhe më parë Glauk Olldashi është shprehur se nuk mbështet Berishën si individ por kauzën e tij.
Discussion about this post