Bashkia e Elbasanit është një prej institucioneve e cila zhvillon procedura tenderimi duke mos respektuar konkurrencën. Një rast i tillë është edhe në një tender të zhvilluar para disa kohësh me vetëm një konkurrent. Bëhet fjalë për procedurën e hapur në datën 21 dhjetor 2021, për ndërtim lere uji.
Kjo procedurë ka mbanë numrin e referencës REF-15840-12-20-2021 dhe ka një fond limit prej 1.053.097 lekë të reja, ose rreth 11 milionë lekë të vjetra. Në këtë tender ka marrë pjesë vetëm kompania “SAM-ARS 2016” sh.p.k, e cila duke qenë e vetme në garë është shpallur automatikisht fituese.
Duke qenë se procedurat me vetëm një konkurrent shfaqin risk të madh, pasi lënë dyshime se shkojnë për kompani klienteliste, “Open Data” e ka futur në kategorinë e flamurit të kuq. Përpos kësaj, ajo që të bën çudi është fakti që për drejtuesin e këtij institucioni, Gledian Llatja, një lerë uji qenka shumë e shtrenjtë. Nëse do të ishte pak më dorëmbledhur ndaj taksave të qytetarëve, Llatjas i mjaftonte që të gjente 5 punëtor që presin në rrugë, t’i paguante me një pagesë ditore dhe do e kishte lerën e ujit gati brenda ditës, me një çmim shumë herë më të lirë.
Gijotina.com
Discussion about this post