Sapo erdhi në detyrë drejtori i Policisë së Shtetit, Gledis Nano, ka krijuar furtunë në institucion. Pak kohë më parë ai bëri ndryshime sa i përket drejtorëve, ndërsa tani kanë filluar ndryshimet në rang zëvendësdrejtorësh. Bëhet me dije se, Artur Shira nga zv.drejtor për hetimin e krimit në Durrës shkon me të njëjtin post në Fier. Ndërsa, Ilir Proda nga zv.drejtor për hetimin e krimit në Korçë shkon në të njëjtën pozitë në Elbasan. Sakaq, bëhet me dije se Vendin e Prodës në Korçë e zë Ermal Muça.
Ndër të tjera bëhet me dije se ne rang zëvendës drejtorësh priten edhe në Dibër, Kukës, Lezhë etj.
Kujtojmë se, pak ditë më parë Nano vendosi që Ardian Çipa rikthehet në polici, në postin e drejtorit të Policisë së Elbasanit, ndërsa Policia e Tiranës, do të drejtohet nga Lorenc Paganika, duke zëvendësuar në këtë post Rebani Japuin. Drejtor i Antiterrorit në vend të Gledis Nanos u emëruar Alban Dautaj.
