Drejtori i Përgjithshëm i Policisë së Shtetit Gledis Nano zhvilloi një takim me Zv/drejtorin e Përgjithshëm i Policisë së shtetit të Italisë, Prefekti Vittorio Rizzi. Sipas burime, fokusi i bisedës së tyre ka qenë vazhdimi i bashkëpunimit mes dy vendeve për luftën kundër krimit.
Nano, gjatë takimit vuri në dukje rëndësinë e këtij takimi, në kuadër të reformimit të procesit arsimor dhe të kualifikimit të punonjësve të Policisë së Shtetit, në mënyrë që standardet e policimit në vendin tonë të jenë në nivel të njëjtë me ato të vendeve të BE-së. Ndërkohë, prefekti Vittorio Rizzi shprehu gatishmërinë e Policisë italiane për të ofruar gjithë mbështetjen e nevojshme në drejtim të formimit policor dhe jo vetëm.
Gjatë takimit, drejtoresha e Institutit të Lartë të Policisë Annamaria Di Paolo, Drejtoresha e Inspektoratit të Shkollës së Policisë së Shtetit të Italisë Tiziana Terribile, Zv/drejtori i Përgjithshëm i Policisë së Shtetit, Drejtues i Lartë Albert Dervishaj, Drejtori i Akademisë së Sigurisë, Drejtues i Lartë Ilirjan Mandro dhe drejtues të tjerë të lartë të strukturave policore, diskutuan për fushat dhe drejtimet e mundshme të bashkëpunimit ndërmjet palëve, në interes të krijimit të një sistemi formimi sa më efikas të Policisë së Shtetit dhe të formimit sa më profesional të punonjësve të Policisë.
Discussion about this post