Goci: Sa të jetë Veliaj, do lulëzojnë kullat

I ftuar në edicionin e Pasdites në Syri Tv me moderatoren Armela Ferkon ishte aktivisti, Ervin Goci.

Goci është shprehur se deklaratat e Erion Veliajt në vetvete nuk kanë asgjë të re, por është e gjitha një vazhdimësi e qeverisjes që ai ka bërë në 8 vite në kryeqytet.

“Unë nuk do t’i konsideroja deklarata, por disa vlerësime që i dëgjoja ndër rreshta, çështja është se kur ishte në vitin 2015 ishte një njeri që nuk kishte një pozicion direkt që ta shikonim se si operonte me karrigen, me pushtet të cilën ai e shet sikur punon, në një farë kuptimi po tregon se po jep shërbime pa pagesë.

Tani në vitin 2023 ai ka 8 vite si kryetar bashkie ku gjysma prej tyre i ka pa garë fare, tani pas 8 vitesh ky njeri që ato gjëra që ne i kemi denoncuar i ka kthyer në një platformë, duke treguar se ato nuk ishin gabime, por i kam bërë më ndërgjegje.

Mesazhi që po jep Veliaj është se sa të jetë ai aty dhe të ketë kryeministër personin që praktikisht më ka vënë këtu ne do të bëjmë ekzaktësisht atë që kemi bërë.

Angazhimi i tij është i qartë duke treguar që do të bëj atë që kam bërë prej vitesh dhe tani është kthyer në sistem. Ky model qytetarët e Tiranës nuk kanë më pse të kenë aspirata dhe ushqim simbolik në kuptimin që ky nuk më duket shumë i mirë, por gjithsesi mendoj se është i mirë, ky është mendimi i një qytetari të drejtë në Tiranë.

Ky njeri ose ka siguri absolute që i ka gjëra në terezi ose në një farë kuptimi se nëse do të bëjë një ndryshim nuk e lë njeri, ai tregon se si funksionar publik nuk përfaqëson interesat e qytetarëve por d u shërbej atyre që u detyrohem.

Unë e dëgjova me kujdes Veliajn, jo se prisja diçka të re por zotëria në fjalë thotë se Tirana e kullave është shumë mirë dhe do të vazhdojë kështu, pavarësisht kjo i rrit çmimet në stratosferë dhe krijon flluska në zona të ndryshme të qytetit, e fryn e bën një lloj cirku, ose platforme që ky është një metropol, por që në vetëvete vetëm emrin ka se nuk ka asnjë shërbim, metropol pa tram, teatër, metro, pas absolutisht asgjë ku periferia është në një gjendje mizerable.

Problemi është nëse e pranojnë më qytetarët e Tiranës që janë totalisht të përjashtuar nga çdo lloj standarti më minimal jetik.

Kuptova që ata që kanë një pronë në Tiranë do ta bëjnë pallat me patjetër, pra ne do të vazhdojmë të ndërtojmë pallatet edhe nëse nuk kemi vende do të shembim pallatet e vjetra”, tha Goci./Syri.net/