Ministrja Milva Ekonomi ka bërë sot një deklaratë që askush nuk do ta merrte në konsideratë dhe askush nuk do besonte. Gjatë një interviste televizive ku ka folur për nivelin e lartë të shpopullimit në vend, ajo u shpreh se shqiptarët po largohen nga vendi pasi kanë talent. Ministrja tha se shqiptarët që po ikin, nuk ikin për shkak të varfërisë, por për shkak se i kërkojnë vendet më të zhvilluara, qoftë Gjermania apo vende të tjera. Sipas saj, sot po kërkon edhe Australia, pasi shqiptarët kanë talent të veçantë.
Ekonomi tha se emigrimi është një e drejtë e çdo individi dhe s´ka pse trajtohet si një dramë. “Kanë ikur 39 mijë, por kanë ardhur 25 mijë. Një pjesë ikin se kanë talent, një pjesë për bashkime familjare dhe një pjesë për shkaqe ekonomike”, tha Ekonomi. Kjo deklaratë ka bërë që të ftuarit e tjerë të revoltohen dhe ta quajnë atë një tallje.
Discussion about this post