Godet policin, arrestohet në flagrancë 31-vjeçari në Tiranë

Një 31-vjeçar është arrestuar nga policia e Tiranës këtë të premte, pasi ka goditur për shkak të detyrës një punonjës policie.

Blutë e kryqytetit bëjnë me dije se shtetasi me inicialet A.H., u arrestua në flagrancë pasi kundërshtoi dhe qëlloi efektivin e policisë.

Materialet proceduriale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

Njoftimi:

“Specialistët për Hetimin e Krimeve të Komisariatit të Policisë Nr. 6 arrestuan shtetasin A. H., 31 vjeç, banues në Tiranë, pasi ka goditur për shkak të detyrës, një punonjës Policie”, thuhet në njoftimin e policisë.