Komisioni për Çështjet Ligjore, Administratën Publike dhe të Drejtat e Njeriut është mbledhur sërish ditën e sotme për shqyrtimin e projektligjit për “Për buxhetin e vitit 2022”.
E pranishme për dëgjesë është Gentiana Sula, drejtoresha e “Autoritetit të Dosjeve”, e cila ka kërkuar më shumë financim nga qeveria për nevojat minimale të Autoritetit. Sula u shpreh se godina e re po financohet nga qeveria suedeze, por kushte minimale si tavolinat e karriget duhet të përmbushen nga qeveria.
“Nga ndryshimet ligjore, fusha e parë ka të bëjë me trajtimin e të zhdukurve nga komunizmi, ne kemi kërkuar dy herë një strukturë shtesë prej nëntë vetash sepse është një punë voluminoze, tani që institucioni u krijua përballemi me kërkesa të shumta, numri po rritet, kemi identifikuar vendndodhjen, kemi bërë goxha punë, po kemi nevojë për infrastrukturë.
Ne konkretisht jemi një institucion që kemi realizuar 90% të përgjegjësive, ka qenë një periudhë me emergjenca të mëdha nga tërmeti apo Covidi. Sa i përket godinës kemi marrë financim nga qeveria suedeze, por nuk janë të gatshëm të financojnë gjërat minimale si tavolinat apo karriget. Plani i financimit të huaj që pasqyrohet është 67.2 milionë lekë. Sistemin e blen donatori, por pajisje zyre me 10 milionë lekë janë të pamundura të realizohen. Dhe arkiva dhe zyra duan mjete optimale, jo luksi nga 10 milionë, duam më shumë”, tha Sula.
Kryetarja e Komisionit, Klotilda Bushka tha në fjalën e saj që ministria e Financave është e gatshme të mbulojë këto nevoja.
Discussion about this post