Prokuroria e Posaçme ka komunikuar akuzat për dy të arrestuarit që akuzohen për ekzekutimin me thikë të Regis Runajt, ngjarje e ndhodhur në korrik të 2020-ës në Elbasan.
Xhuliano Hoxha dhe Euglent Halili do të akuzohen për vrasje e kryer në bashkëpunim dhe grup të strukturuar kriminal.
Dy të arrestuarve iu është komunikuar akuza sot në ambientet e burgut të Peqinit.
Hoxha dhe Halili e qëlluan 27 herë me thikë Regis Runajn dhe të dy luajtën rolin e vëzhguesve në distancë të Emiljano Ramazanit, i cili po ashtu u ekzekutua në Elbasan.
Dinamika e vrasjes së Regis Runajt, u zbardh nga i penduari që zgjodhi të bashkëpunonte me drejtësinë. Personi që ka lidhur një kontratë bashkëpunimi dhe ka treguar gjithçka mbi vrasjen e Regis Runaj, është i arrestuari Euglen Halili. Ai është penduar për krimin e kryer, duke pohuar se viktimën Regis Runaj, e kishte shok dhe vrasjen e ka kryer për llogari të Xhuljano Hoxha. Ky i fundit e ka paguar me një sasi të konsiderueshme euro dhe mandej, ka qenë Euglen Halili, ai që filluar të planifikojë vrasjen e mikut të tij Regis Runaj. Runaj dhe Halili, mësohet të kenë konsumuar së bashku një sasi kokaine dhe mandej janë nisur në drejtim të varrezave të qytetit. Udhëtimi është kryer me një motor.
Discussion about this post