Goditen 3 raste të paligjshmërive në Portin e Durrësit, sekuestrohen mijëra euro.

Tre raste të paligjshme janë regjistruar në Portin e Durrësit, dhe një person i shpallur në kërkim është arrestuar.

Sipas policisë një shtetas nga Maqedonia e Veriut 60 vjeç i janë sekuestruar 18,900 euro të pa deklaruar.

Rasti i dytë i përket personit me iniciale R. K., 54 vjeç, banues në Shkodër, pasi gjatë kontrollit në automjetin e tij, u gjetën 80 litra vaj dhe dhjetëra shishe me verë, pa faturat përkatëse;

Në pranga ka rënë dhe një shtetas me inicialet U. N., 29 vjeç, banues në Kosovë, pasi në dalje, ka paraqitur në sportel, pasaportë dhe kartë ID me të dhënat e një shtetasi tjetër kosovar.

Gjithashtu, u kap dhe u ndalua shtetasi S. G., 32 vjeç, banues në Korçë, pasi nga verifikimet e kryera rezultoi se ishte shpallur në kërkim sepse Gjykata e Tiranës i ka caktuar masën e sigurisë “Arrest në burg’, për veprën penale “Vjedhja”.