Goditën me grushte rojen gjatë detyrës, shpallen në kërkim 3 persona në Vlorë

Tre persona janë shpallur në kërkim në Vlorë, pasi dyshohet se kanë goditur me grushte në vendin e punës një roje institucioni pas një debati verbal me të. Sipas informacioneve, S

specialistët  e Policisë Vlorë kanë identifikuar dhe shpallur në kërkim dy shtetas, H. L. (30 vjeç) dhe B. L. (27 vjeç), pas një konflikti të ndodhur me grushte ndaj shtetasit E. B. (35 vjeç), gjatë detyrës së tij si roje pranë një institucioni. Rasti është referuar në Prokurori dhe është nisur procedimi penal për shtetasin S. L. po ashtu të dyshuar për përfshirje në këtë ngjarje.

“Specialistët për Hetimin e Krimeve në Komisariatin e Policisë Vlorë, në vijim të veprimeve hetimore, pas referimit të rastit në Prokurori dhe nisjes së procedimit penal për shtetasin S. L., kanë bërë të mundur identifikimin dhe shpalljen në kërkim edhe të shtetasve H. L., 30 vjeç, dhe B. L., 27 vjeç, pasi të tre dyshohen se janë konfliktuar duke goditur me grushte, gjatë detyrës si roje pranë një institucioni, shtetasin E. B., 35 vjeç”, thuhet në njoftimin e policisë.