Autoritetet greke në Korfuz kanë goditur një rrjet të trafikut të kokainës, ku në pranga janë vënë dhjetë persona, 5 prej të cilëve shtetas shqiptarë.
Sipas mediave helenë mes të arrestuarve është edhe një efektiv policie.
Ndërkohë “koka” e këtij grupi kriminal është një 38-vjeçar shqiptarë së bashku me një grua 45-vjeçare, ndaj të cilëve është ngritur një kallëzim penal për krijimin dhe drejtimin e një organizatës me qëllim trafikun e kokainës.
Të bashkakuzuar, për pjesëmarrje në organizatën kriminale, janë edhe 9 anëtarë të tjerë, mes tyre 3 të burgosur me role të ndryshme si transportues dhe grumbullues – ndërsa në dosje janë përfshirë edhe 26 persona të tjerë, të cilët kanë blerë lëndë narkotike nga anëtarët e organizata.
Në kuadër të hetimeve të kryera nga policia, u gjet dhe u sekuestrua një pistoletë, shuma prej 5600 euro, një sasi kokaine, 2 makina dhe 8 celularë .
Discussion about this post