Antimafia e dhe Policia e Trentos n ë Itali shkatërruan një organizatë italo-shqiptare të trafikut dhe shpërndarjes së lëndëve narkotike, duke çuar pas hekurave të paktën 33 persona të dyshuar.
Operacioni është finalizuar më 9 Tetor, teksa mediat publikuan edhe rezultatet e aksionit të zhvilluar nga Policia e Shtetit, Karabinierët dhe Drejtoria e Qarkut Antimafia dhe Antiterrorizëm në Gjykatën e Trentos.
Gjykata mësohet se ka aprovuar 14 masa “arrest me burg” dhe 8 arrest shtëpie, kurse 11 të tjera detyrime për paraqitjeje.
Të gjithë të akuzuar për prodhim dhe shitje lëndësh narkotike, kryesisht kokainë. Dyshohet se rrjeti është i organizuar, pasi kishte një xhiro prej mijëra eurosh në javë.
Hetimet e nisura në qershor të 2022 janë kryer kryesisht nga komisariati i Riva del Garda dhe e koordinuar nga Prokuroritë e Trentos dhe Rovereto-s, duke identifikuar e organizatës së përbërë nga dy celula.
“E para që vepronte në Rovereto dhe Riva del Garda, e drejtuar nga një italian, për kokainë dhe hashash, kurse i dyti kryesisht në Riva del Garda, me në krye 3 persona me origjinë shqiptare, të dedikuar për trafikimin e lëndëve narkotike, kryesisht të llojit kokainë”, shkruan “Lavocedeltrentino”.
Organizata blinte sasi të mëdha droge për shpërndarjeje, hashash dhe kokainë. Autoritetet konfirmuan se gjatë veprimeve hetimore, u arrestuan në flagrancë 9 persona, u sekuestruan afërsisht 700 gramë kokainë, 4 kg hashash dhe 100 gramë marihuanë.
Më tej, u bë edhe ekzekutimi i sekuestrimit të një banese në Riva del Garda, me vlerë rreth 200 mijë euro, të ardhura të veprimtarisë kriminale. Në aksion morën pjesë 150 forca dhe qen antidrogë.
Discussion about this post