4 persona kanë rënë në prangat e Policisë së Tiranës ditën e sotme pas një aksioni blic të zhvilluar në kryeqytet. Sipas burimeve bëhet me dije se nga kontrollet e kryera policia ka gjurmuar dhe goditi një grup kriminal që ushtronte aktivitetin e trafikimit të lëndëve narkotike. Aksioni është kryer pas mobilierie “Ardenos” në Kashar, autostrada Tiranë-Durrës në banesën e Elton Tafës.
Sakaq, bëhet me dije se janë vënë në pranga 4 persona, konkretisht: Elton Tafa, Egzon Murataj, Mhill Boja dhe Gerrard (Ervin) Kaçi. Ndër të tjera, bëhet me dije se i ndaluari Tafa rezulton të ketë precedentë penal për armëmbajtje pa leje dhe vjedhje të makinave. Nuk dihet nëse ky grup kriminal përbehet edhe nga persona të tjerë, por pritet që në vijim të zbardhen detajet e plota, ndërkohë që materialet e grumbulluara i janë dërguar prokurorisë.
Discussion about this post