Garda Civile në Spanjë ka zhvilluar që në orët e para të mëngjesit të sotëm një operacion të rëndësishëm kundër trafikut ndërkombëtar të kokainës në disa provinca, përfshirë Malaga dhe Cadiz, ku tashmë janë arrestuar 20 anëtarë të klanit të njohur kriminal shqiptar, “Farruku”.
Sipas mediave spanjolle, burime pranë policisë, kanë bërë me dije se më shumë se 250 agjentë të Gardës Civile po veprojnë në Madrid, Malaga, Toledo, Barcelona dhe Cádiz.
Hetimi nisi për shkak të kapjes së fundit të dy tonëve kokainë në portin e Algeciras.
Klani Farruku, i përbërë nga shtetas shqiptarë, njihet në Spanjë që prej vitit 2008 si i lidhur me organizatën kriminale për grabitje banesash, trafik kokaine dhe krime të ndryshme që lidhen me trafikun e drogës.
Në vitin 2019, kreu i dyshuar i saj, Kreshnik Farruku, i cili kishte një urdhër-arresti europian të lëshuar nga Italia që prej vitit 2018 dhe që ishte hetuar nga Policia spanjolle për lidhje të mundshme me grupin e shqiptarëve që në vitin 2007 sulmuan shtëpinë e biznesmenit, u arrestua në Madrid, Jose Luis Moreno.
Discussion about this post