3 vite hetime kanë çuar në arrestimin e 7 personave, por duket se prangat po u tunden edhe të tjerëve. “El Correro” ka sjellë të plotë lajmin e operacionit të shkatërrimin e grupit kriminal shqiptar që merrte deri në 15 mijë euro për të futur vjedhurazi si turistët në tragete ose anije nga Porti i Bilbaos, shqiptarë që donin të shkonin në Mbretërinë e Bashkuar.
Garda Civile arrestoi 7 persona, 5 prej tyre jetonin në Bizkaia dhe dy të tjerë, të dyshuar si drejtues të organizatës klandestine, u kapën në aeroportin Barajas të Madridit, kur po përgatiteshin të ktheheshin në vendin e tyre, ku mbanin një standard të lartë jetese që nuk korrespondonte me profesionin e tyre të zakonshëm të punës në Shqipëri. Operacioni ‘Epiro’, të cilin forcat e sigurisë nuk e kanë përfunduar ende, kulmon punën e nisur në vitin 2019.
Tashmë që nga viti 2017, vija bregdetare e Zierbena dhe Santurtzi ishte bërë një zonë e sigurtë vendbanimi për shqiptarët që prisnin për të hyrë fshehurazi në Mbretërinë e Bashkuar. Shumica shkonin legalisht në Spanjë, pasi u lejohej lëvizja pa vizë për sa kohë që qëndrimi i tyre nuk kalonte 90 ditë. Megjithatë, ky ndryshim nuk e preku Britaninë, e cila ka vazhduar t’i ketë kufijtë e saj të mbyllur për shqiptarët.
Prania e këtyre personave, të cilët shpesh kanë jetuar në çadra në kushte josanitare, ka qenë problem në Portin e Bilbaos.
Duke u futur fshehurazi në kamionët që hipnin më vonë në traget, shpeshherë ata prishnin ngarkesat (sidomos nëse ishin produkte ushqimore), por jo vetëm kaq. Autoritetet britanike vendosnin gjoba të rënda edhe për kompanitë e transportit. Pas shtimit të problematikës, Porti reagoi dhe ndërtoi një mur, ndërsa Garda Civile gjithashtu intensifikoi kontrollet e saj dhe përmirësoi teknologjinë e saj për të zbuluar njerëzit nën kamionë ose brenda kontejnerëve.
Megjithatë, mafia ka vazhduar të veprojë. Tani merrnin nga 3,000 deri në 15,000 euro për çdo udhëtim, edhe pse kushtet u rrezikonin jetën atyre që po kalonin kufirin. Ndonjëherë ata dorëzoheshin vetë sepse bërtisnin ose goditnin fort muret e kabinave ku fshiheshin, pasi u mbaronte oksigjeni, ose bëhej shumë ftohtë. Ndërkohë që organizata kriminale u ruante dokumentar deri sa të merrnin të plota paratë.
Të arrestuarit kishin gjithashtu një sistem mjaft kompleks për të mbledhur dhe dërguar paratë në vendin e tyre pa u zbuluar, kjo pasi kishin siguruar karta krediti dhe pasaporta të shumta të kombësive të ndryshme duke e bërë shumë të vështirë kapjen e tyre. Por jo e pamundur, deri më tani 7 persona kanë përfunduar në pranga, por deri më tani nuk është bërë me dije identiteti i asnjërit prej tyre. Megjithatë operacioni vazhdon…
Discussion about this post