Goditet me sende të forta 30-vjeçari në Tiranë

Një 30-vjeçar në Tiranë me inicialet E.Z është goditur me sende të forta.

Ngjarja ka ndodhur në rrugën “Kongresi i Manastirit” në kryeqytet. Agresorët ende nuk janë identifikuar.

Pasi kanë dhunuar të riun, agresorët janë larguar me vrap nga vendngjarja. Si pasojë e dhunës, i plagosuri është transportuar në spital dhe po merr ndihmën mjekësore, ndërsa grupi hetimor po punon për sqarimin e rrethanave të ngjarjes, identifikimin e kapjen e autorëve të dyshuar.

“Më datë 23.04.2023, rreth orës 21:05, në rrugën “Kongresi i Manastirit”, në afërsi të gjimnazit “Partizani”, persona ende të paidentifikuar dyshohet se kanë goditur me sende të forta shtetasin E. Z., 30 vjeç, dhe më pas janë larguar.

Si pasojë 30-vjeçari është dëmtuar dhe po merr ndihmën mjekësore në spital.

Grupi hetimor po punon për sqarimin e rrethanave të ngjarjes, identifikimin e kapjen e autorëve të dyshuar”, njofton policia.