Goditet qendra e prostitucionit në Durrës, procedohen 4 shqiptarë e të huaj

Një rast prostitucioni është goditur nga policia e Durrësit këtë të hënë, ku janë proceduar penalisht 4 persona, shqiptarë dhe të huaj.

Ata u kapën në ambientet e një pallati në lagjen nr. 4, teksa shfrytëzonin për prostitucion ose ushtronin këtë veprimtari kriminale, njoftoi policia.

Sipas bluve, janë proceduar në gjendje të lirë shtetasit R.G., 20 vjeç, banues në Durrës, si dhe për shtetasit N. B., 56 vjeç, T. S., 28 vjeçe dhe A. P., 36 vjeçe (me shtetësi amerikane dhe bjelloruse).

Në cilësinë e provës materiale janë sekuestruar 3 pasaporta, 5 celularë dhe shuma parash të valutave të ndryshme të dyshuara të përfituara nga kjo veprimtari kriminale, mbyllet njoftimi i bluve.