Arrestohet personi që dhunoi gazetarin Adriatik Doçi. Mësohet se në pranga ka përfunduar 30-vjeçari, Redon Skutera, me profesion instruktor palestre. Ende nuk dihen arsyet se përse ka ndodhur ky konflikt. Policia ende nuk ka dalë me një njoftim zyrtar për këtë ndalim.
Doçi u dhunua më 13 nëntor pranë banesës së tij. Ishte vetë gazetari ai i cili kreu denoncimin në komisariatin numër 5 në kryeqytet, duke pretenduar se ishte dhunuar nga disa persona. Policia doli me një njoftim zyrtar po atë duke duke bërë të ditur se janë në kërkim të autorit. Në një deklaratë tjetër për mediat, Doçi hodhi dyshimet se sulmi iu është bërë për shkak të detyrës së gazetarit.
Discussion about this post