Gert Shehu ishte i riu që gjuajti me grusht ish-kryeministrin Sali Berisha. Ngjarja ndodhi në protesën e opozitës më 6 dhjetor. Ndërkohë gjykata e Tiranës ka vendosur të caktojë sot masën e sigurisë “arrest me burg” për të riun. 31-vjeçari u njoh me këtë vendim në ambientet e spitalit të Traumës, aty ku ndodhet momentalisht për shkak të plagëve që mori nga turma, pas gjestit të bërë.
Pasi gjendja e tij shëndetësore të përmirësohet, ai pritet që të transferohet në qëli.
Para dy ditësh, Shehu është dërguar te spitali i burgut, por nuk e kanë pranuar duke u rikthyer sërish te Trauma. Avokati Ervis Lila i përzgjedhur nga familjarët e Gert Shehut ka kërkuar një masë më të lehtë ndaj tij.
Discussion about this post