Nisin si konflikte verbale por një ndeshje futbolli ka irrituar aq shumë të riun shqiptar sa ky i fundit ka goditur me thikë një tifoz britanik sepse ai ankua se po i bllokonte shikimin në një prej ndeshjeve të Anglisë në Kampionatin Europian. Pëllumb Hysa është burgosur për nëntë vite pasi goditi brutalisht 59-vjeçarin pasi ata festuan fitoren e çerekfinales së “Tre luanëve” kundër Ukrainës.
Tifozi i sulmuar nga shqiptari përfundoi në spital kishte nevojë për operacion pasi një nga tre goditjet kishte marrë nga thika, i kishte shkaktuar gjakderdhje të brendshme. Në sallën e gjyqit, Simon Duncan tha se viktima kishte qenë me miqtë si pjesë e një feste duke nxjerrë edhe pamjet nga momentet e përplasjes mes tyre.
Pas një sherri për të liruar pamjen e televizorit, diskutimi duket se përfundoi në mënyrë miqësore sepse gjatë ndeshjes, Hysa përqafoi viktimën kur Anglia shënoi. Madje kur u bë goli i tretë bëri edhe sherr me të. Megjithatë, momente më vonë, Hysa nxori thikën e biftekut dhe e goditi disa herë, para se ta fshihte nën këmishën e tij.
Policia mbërriti dhe gjatë arrestimit të Hysës, shqiptari u qëllua me grusht në fytyrë nga shoku i viktimës, duke i shkaktuar mavijosje në zonën e syve. Ndërkohë në sallë shqiptari tha se gjithçka e kishte bërë për vetëmbrojtje. Hysa gjithashtu kishte kërkuar nga gjykata që t’i kërkonte falje viktimës dhe i kërkoi gjykatës ta pranonte atë ofertë si të vërtetë.
