Një 40-vjeçar shqiptar, raportohet se është arrestuar nga policia italiane, pasi sulmi me thikë fqinjin e tij, pas një debati që zhvilluan mes tyre.
Ngjarja ka ndodhur mbrëmjen e së hënës, mes zonave Tor di Miele dhe Stufa Pigna Castello.
Dy 40 vjeçarët me origjinë shqiptare, të cilët jetojnë atje me familjet e tyre, kanë pasur një debat shumë të ashpër pranë shtëpive të tyre.
Sipas dëshmive të para, njëri prej të dyve po digjte disa gjethe dhe drurë në hapësirën pranë shtëpisë së tij dhe tymi kishte mbuluar edhe shtëpinë e tjetrit, i cili ishte i acaruar nga ajo që po ndodhte.
Ky i fundit kishte urdhëruar bashkatdhetarin të shuante zjarrin: pa marrë përgjigje, dy fqinjët ishin ofenduar rëndë dhe nga fjalët do të kalonin në veprime. Papritur u shfaq një thikë dhe njëri prej të dyve pësoi më të keqen, mori një plagë me thikë në shpatull.
I plagosuri u rrëzua në tokë i gjakosur. Kanë qenë familjarët e të plagosurit që kanë bërë menjëherë kërkesën për ndihmë dhe pak më vonë në zonë kanë mbërritur 118 dhe automjetet e karabinierëve me sirena.
Sulmuesi u ndalua menjëherë dhe u identifikua nga karabinierët e stacionit Ferentino, të cilët ndërhynë së bashku me patrullat e tjera të njësisë të kompanisë Anagni.
Thika u sekuestrua nga karabinierët. Sulmuesi u dërgua në burgun e Frosinone. Akuza e parë e vrasjes së mbetur në tentativë, ndoshta për arsye banale, është konfirmuar dje në përfundim të hetimeve për rastin.
Bashkatdhetari i plagosur është transferuar në urgjencën e spitalit “Spaziani” në Frosinone ku ka mbetur nën vëzhgim. Fatmirësisht për të nuk është dëmtuar asnjë organ vital.
Discussion about this post