I riu shqiptar, i cili goditi nënën e tij në shpinë me një thikë kuzhine natën e Vitit të Ri, u tha detektivëve se ai kishte ndërmend ta vriste atë. Ai u shpreh se në fakt mendoi se ajo kishte vdekur kur ai doli nga shtëpia, thanë autoritetet. Emiliano Domi, 25 vjeç, u tha hetuesve se ai sulmoi me thikë nënën e tij, sepse ajo qeshi me të kur ai u ankua për lëvizjen e një xhakete të tij nga një divan i dhomës së ndenjes.
Pasi e shtyu, 25-vjeçari kapi një thikë kuzhine dhe e goditi të ëmën në shpinë, në mes të shpatullave. Pas ngjarjes së rëndë, autori u largua nga shtëpia duke menduar se e ëma kishte ndërruar jetë, si pasojë e plagëve të marra. Më pas ai shkoi në një furrë buke, ku punon babai i tij, ku mësohet se i ka kërkuar para për karburant, por ky i fundit ka telefonuar bashkëshorten e tij dhe më pas policinë ku ka denoncuar ngjarjen. E ëma 43-vjeçare nga Shqipëria, mundi t’i mbijetonte plagëve pasi iu nënshtrua një operacioni për heqjen e thikës dhe kurimin e plagës.
Discussion about this post