Këtë të enjte FIFA ka përditësuar renditjen e re të përfaqësueseve të futbollit, bazuar në rezultatet e arritura në ndeshjet e luajtura në muajin shator, për kombëtaret evropiane, në Ligën e Kombeve.
Përfaqësuesja kuqezi, e cila fitoi ndeshjen e parë me Ukrainën 1-2, por pësoi disfatë 0-1 në të dytën, me Gjeorgjinë, në “Air Albania”, ka humbur 1 pozicion, duke zbritur në vendin e 67-të. Është pikërisht Gjeorgjia që ia ka marrë vendin e 66-të.
Ndërkohë Kosova është ngjitur me dy pozicione në FIFA, duke shkuar në vendin e 104. Kjo pavarësisht humbjes 3-0 që ‘dardanët’ pësuan në shtëpi kundër Rumanisë, ndërsa vetëm pak dit më vonë rikuperuan duke fituar 0-4 kundër Qipros.
10 vendet e para vijojnë të mbeten të pandryshuara në FIFA. Argjentina kampione bote mban vendin e parë, ndërsa podiumin e plotësojnë Franca dhe Spanja e saposhpallur kampione Europe. Edhe pse në një moment delikat e me humbje të pësuara Brazili renditet i 5, ndërsa Italia edhe pse fitoi 2 ndeshje, 1 kundër Francës dhe 1 kundër Izrealit, mbyll renditjen e 10 vendeve të para.
Discussion about this post