Goditja e tmerrshme e Ronaldos që bëri kameramanin ‘për spital’

në Sport

Kohë leximi: 1 min

Al Nassr ka marrë fitoren e radhës në elitën e futbollit arab, teksa ka mposhtur Al Raed në udhëtim me rezultat 1-3.

Sadio Mane, Anderson Talisca dhe Cristiano Ronaldo kanë qenë autorët e tre golave për skuadrën arabe që po vazhdon garën për titullin e kampionit.

Megjithatë ajo që është bërë virale nga kjo ndeshje është një gjuajtje e lirë e ekzekutuar nga Cristiano Ronaldo, por kësaj radhe që nuk përfundoi në gol.

Videot e bëra nga tifozët kanë sjellë pamjet se si kameramani që qëndronte pas portave ka pësuar një goditje të tmerrshme nga CR7.

Ylli portugez ekzekutoi një gjuajtje të lirë me një fuqi shumë të madhe dhe topi goditi kameramanin, i cili u trondit nga fuqia e topit.

Që gjuajtja e CR7 ishte jashtëzakonisht e fortë kuptohet edhe nga foto e kameramanit pas ndeshjes, ku në ballin e tij është një shenjë e madhe e cila do disa kohë për t’u shëruar.

Gjithsesi mbetet të shihet nëse CR7 do ta kontaktoj kameramanin dhe t’i kërkoj falje për atë goditje pa dashje që i dha.