Zinedine Zidane i është kthyer edhe një herë finales së Kupës së Botës me Italinë dhe asaj goditje me kokë ndaj Marco Materazzi. Francezi e pranon gabimin në intervistën e publikuar në “L’Equipe” në 50 vjetorin e lindjes.
“Për mua në veçanti nuk ishte më e bukura. Gjatë asaj finaleje ndodhën shumë gjëra. Penalltia me panenka, pritja e Buffon në goditjen time me kokë dhe pastaj për mua u mbyll ashtu, në atë mënyrë për të cilën nuk jam krenar.
Atë ditë nëna ime nuk ishte mirë dhe isha i shqetësuar. Pastaj në fushë kishte presion dhe Materazzi filloi të më ngacmonte, duke më përmendur motrën. Ka thënë shpesh që nuk më ka fyer nga nëna, por ofendoi motrën time, që në ato momente po e ndihmonte.
Kur më ofendoi motrën diçka shpërtheu brenda meje dhe ndodhi ajo që ndodhi. Më duhet ta pranoj, nuk është se jam krenar, por edhe ajo është pjesë e rrugëtimit tim. Në atë moment isha thjesht i brishtë psikologjikisht dhe në momente të tilla mund të bësh gjëra që nuk janë të mira”, ka thënë francezi.
Discussion about this post