Ndryshime në listën e përfaqësueses së Shpresave. FSHF ka bërë të ditur se ka lëvizje për shkak të dëmtimit të një prej futbollistëve që në teori do të ishte titullar në duelet e radhës.
Bëhet fjalë për Ramen Çepelen, i cili në të kaluarën është grumbulluar nga Edi Reja në ekipi A, e që këtë radhë pritej që të ishte pjesë e Shpresave duke u vënë nën urdhrat e Bushit. Sipas FSHF, lojtari ka një dëmtim që e pengon të marrë pjesë në këtë grumbullim. Kësisoj, në radhët e kuqezinjve do të vijë Marcelino Preka, i cili ishte planifikuar fillimisht që të luante me përfaqësuesen U19.
Ai do të lëvizë nga radhët e kësaj kombëtareje, për t’iu bashkuar U21 të Bushit. Ndërkohë, vendin e tij te ekipi U19 e ka zënë futbollisti i Dinamos, Elsamed Burgaj.
