Jonila Godole ka reaguar përmes rrjeteve sociale lidhur me tryezën e 43 deputetëve opozitarë, e iniciuar nga Gazment Bardhi.
Sipas Godoles, tryeza tregoi dy gjëra: e para që as me Bashën dhe as me Berishën nuk fitohet dhe së dyti që bashkimi dhe diskutimi janë të nevojshëm.
Ajo shton se bashkimi bëhet mbi vlera të përbashkëta, por hapi i parë është që palët të ulen dhe të diskutojnë.
“Tryeza e përbashkët e opozitës sot tregon dy gjëra:
1) Që as me Berishën dhe as me Bashën nuk fitohet! Këtë duket sikur e kanë kuptuar të gjithë, më në fund.
2) Që bashkimi dhe diskutimi janë të nevojshme sepse opozitarizmi është themel i demokracisë dhe detyrë thelbësore kushtetuese.
Natyrisht, bashkimi bëhet mbi vlera të përbashkëta, por hapi i parë është që palët të ulen dhe të diskutojnë.
A do t’i shkojnë deri në fund aksionit opozitar apo do përçahen gjatë rrugës, mbetet ta shohim”, shkruan Godole.
Discussion about this post