E ftuar në një emision televiziv Sekretarja e Partisë Demokratike për ish-të përndjekurit politikë ka komentuar Kuvendin i cili po mbahet nga ish-kryeministri Sali Berisha. Godole u shpreh se një lider si Berisha dhe me historinë e tij është e pritshme që të kishte mbështetje. Por, sipas saj duhet dhënë fund dualizmit në PD dhe kjo është gjëja më e mirë që mund të ndodhë.
“Dhënia fund e këtij dualizmi është gjëja më e mirë që mund t’i ndodhë PD-së. Është një shans që PD të dali më e fortë dhe të ndahet nga kulti i individit. Tani është e qartë që në thelb Basha nga shtatori është lider i PD-së dhe se Berisha paska qenë gjithmonë aty. Berisha më është dukur dinjitoz kur pas shpalljes non grata me daljen e tij zyrtare. PD është krijuar si një parti proamerikane. Kjo që po ndodh tani është absurde që PD të kthehet në këtë pozicion të sulmojë Shtetet e Bashkuara të Amerikës, kjo nuk është PD. Nuk mund të dali PD kundër SHBA-ve. Kjo përballje nuk i shkon PD-së. Është akoma mo0menti për të reflektuar. I kuptoj se një pjesë e madhe janë të dëshpëruar. Nëse PD do e përdorë këtë situatë si një shans për t’u reformuar duke lënë mënjanë dualizmin me mbështetjen e SHBA-ve të kthehet në një forcë shprese. Nuk e besoj që SHBA i merr këto vendime si i Berishës shpejt. Edhe sikur të ndodhte kështu, Berisha duhej të priste. Në një moment Berisha e njësoi çështjen e tij me PD-në. Nuk e vija në dyshim që një lider karizmatik si Berisha nuk do të kishte këtë mbështetje. Por çdo demokrat duhet të rikujtojë mbi cilat baza është themeluar PD. Duhet të kthejmë në vëmendje cilat vlera i kanë bashkuar këtë qytetarë bashkë me zhgënjimet. E shkuara nuk është e ardhmja e PD-së. Basha duhet të tregojë që tani është duke e drejtuar PD-në. Është momenti i së vërtetës dhe shpresoj të jetë fillim i i një epoke të re në PD”- u shpreh Jonida Godole.
Godole e quan absurditet që PD të sulmojë SHBA-të dhe se kjo që po ndodh në PD është momenti i së vërtetës, ku do të shihet qartë se çfarë do të ndodhë.
Discussion about this post