Boluspor fitoi 3-1 me Keciorengucu për javën e 27-të në Ligën e Parë të Turqisë në futboll. Për vendasit protagonist në këtë përballje u shfaq Dejvi Bregu. Vlonjati shënoi gol dhe asistoi në një tjetër, teksa nuk mundi t’i shpëtojë kartonit të verdhë (34′).
Në minutën e 51-të, Dejvi Bregu barazoi rezultatin dhe i hapi rrugë tri pikëve të të tijve me një perlë nga goditja e dënimit nga një pozicion i prirët. Vetëm dhjetë minuta më vonë, sulmuesi shqiptar asistoi për Posmac dhe si rrjedhojë u shënua goli i dytë.
Në fund vendasit gjetën edhe të tretin me Ndiovu për të marrë pikët e plota dhe vendin e nëntë në klasifikim me 38 pikë. Pesë gola dhe gjashtë asiste ka realizuar Bregu këtë sezon, teksa ende nuk e ka një ftesë nga trajneri i Kombëtares, Sylvinho.
Discussion about this post