Manchester United e ka nisur në mënyrën më të mirë sezonin 2021/2022 në Premier Liga duke triumfuar përballë Leeds United me rezultat 5-1.
Në sfidën e zhvilluar në Old Trafford, vetëm një gol u shënua në pjesën e parë. Rezultati u zhbllokua në minutën e 31-të të lojës kur Bruno Fernandes u bë golashënuesi i parë i Unitedit për sezonin e ri.
Megjithatë, Paul Pogba ishte iniciatori i këtij goli. Mesfushori francez dhuron një asist të mrekullueshëm drejt shokut të skuadrës duke e nxjerrë përballë portierit dhe portugezi që e kaloi skuadrën e tij në epërsi.
Me të filluar pjesa e dytë (48’), Luke Ayling i barazoi shifrat me një gol të bukur të realizuar nga largësia.
Sërisht aty ishte Pogba për të nisur një superasistim drejt Mason Grënwood, i cili vazhdoi përpara dhe riktheu epërsinë e Djajve të Kuq (52’).
I menjëhershëm ishte reagimi i radhës nga mesfushori francez, i cili asistoi te Bruno Fernandes. Portugezi e ndali topin me një lëvizje të mrekullushme dhe e shënoi golin e dytë personal dhe të tretin për skuadrën (54’).
Fernandes vazhdoi të ishte i jashtëzakonshëm duke e kompletuar hat-trikun pas një asistimi këtë herë nga Victor Nilsson Lindeloef (60’).
Pogba nuk u ndal me asistimet. E dhuroi edhe të katërtin për Fred dhe ai ishte i saktë (68’) duke shënuar për rezultatin (5-1).
Tre pikë më se të merituara nga Manchester United në ndeshjen e parë sezonale që premton të bëjë një edicion të mirë dhe konkurrues me rivalët për titull.
