Brazili e nisi me fitore kualifikueset për Botërorin e 2026. “Seleçao” thyen me rezultatin e thellë 5-1 Bolivinë, në një sfidë ku spikatën Neymar dhe Rodrigo, nga dy gola për kokë.
Kjo ishte një natë e paharruar për Neymar, me yllin brazilian që shndërrohet në golashënuesin më të mirë të gjithë kohërave në ekipin përfaqësues.
Me këtë dy golësh, Neymar shkon në kuotën e 79-të golave, 2 më shumë se sa Pele. Sulmuesi i Al Hilal gaboi fillimisht nga pika e bardhë e penalltisë, por në minutën e 24-të ishte Rodrygo që kaloi Brazilin në avantazh.
Me fillimin e pjesës së dytë ishte Raphinha që dyfishoi shifrat pas një asist të Neymar. Në drejtimin e Fernando Diniz, trajneri i përkohshëm, Brazili ishte i papërmbajtshëm teksa në minutën e 61-të, Rodrygo realizoi golin e dytë personal dhe të tretin për Brazilin. Skenën më pas e rrëmbeu Neymar me një “dopietë”.
Në minutën e 61-të, O Ney dërgoi shifrat në 4-0, përpara se Bolivia të shënonte golin e nderit në të 78-tën. Në fund, në shtesë, kishte kohë edhe për një tjetër gol të Neymar që sigloi shifrat në 5-1. Festa ishte e ligjshme pasi ky gol i jep fronin e golashënuesit më të mirë në historinë e Brazilit:
“Jam shumë i lumtur, nuk kam fjale. Nuk e kisha imagjinuar kurrë se mund ta arrija këtë rekord”, u shpreh Neymar pas ndeshjes.
Me fitore e nis aventurën në krye të Urugait edhe Marcelo Bielsa teksa thyen Kilin me rezultatin 3-1. De la Cruz me një “dopietë” dhe Valverde ishin autorët e golave për Uruguain ndërsa Vidal shënoi për Kilin.
https://youtu.be/AKUBpZUQvsw?si=gc2WZc-RbTT4Q9XZ
Discussion about this post