Lojtari i Barcelonës, Pedri është fituesi i çmimit ‘Golden Boy’ (Djaloshi i Artë), që është një trofe që i jepet talentit më të mirë nga ‘Tuttosport’. Ai pati një vit mbresëlënës si me Barçën ashtu edhe me Kombëtaren e Spanjës.
Ylli i katalanasve ka falënderuar median italiane për çmimin e dhënë, duke thënë se ndihet i nderuar për këtë trofe individual.
“Falënderoj Tuttosport për këtë trofe që më bën krenar. Falënderoj gjithashtu të gjithë anëtarët e jurisë dhe fansat që më kanë mbështetur gjithmonë në këtë 2021, thjesht të pabesueshëm për mua. Dhe sigurisht, shumë faleminderit Barçës, Kombëtares, familjes time, miqve të mi dhe padyshim të gjithë atyre që më kanë qëndruar pranë ditë pas dite pa të cilët nuk do të kisha mundur të fitoja Golden Boy”,– u shpreh mesfushori.
Ai bëhet kështu i dyti lojtar i Barçës që fiton këtë trofe pas Lionel Messit në vitin 2005. Pas një totali prej 73 ndeshjesh brenda një sezoni, 52 me Barçën dhe 21 me kombëtaren spanjolle, Pedri ishte u bë një nga lojtarët me më shumë minutazh Evropë duke regjistruar 5000 minuta në fushë.
Megjithatë këtë sezon ai ka luajtur vetëm 310 minuta, për shkak të një dëmtimi që po e lë jashtë fushave./K.T/Gijotina.com
Discussion about this post