Një gol i ka mjaftuar Barcelonës për të marrë 3 pikët në përballjen ndaj Mallorca. Me këtë fitore Barcelona ngjitet në vendin e dytë në La Liga, 5 pikë larg Real Madrid kryesues, që ka një ndeshje më pak.
Barcelona dominoi takimin, por Muriqi me shokë ishin të rrezikshëm në kundërsulm. Në minutën e 22-të ndërhyn VAR-i pas kontaktit në zonë mes Jose Copete dhe brazilianit Raphinha. Kryesori akordoi penallti për skuadrën e Xavit. Gjuan Ilkay Gundogan, grushton topin portieri i Mallorcas.
Penalltia e humbur pati ndikim, pasi vendasit nuk arrinin të canin mbrojtjen hermetike të Mallorca-s.
Pjesa e parë u mbyll pa gola. E dyta ishte më intensive. Goli i fitores do të vinte në minutën e 73-të nga 16-vjecari Yamal, me Lewandowskin që pasoi për talentin katalanas.
Kaq mjaftoi që Barcelona të merrte tri pikë të arta.
Discussion about this post