Kryeministri Edi Rama e kishte “hartuar” fjalimin e tij këtë të enjte me fraza e strofa vjershash të autorëve shqiptarë, për t’i vënë epitete opozitës pasi kundërshtojnë Portin e Durrësit.
“Partia me vulën e humbur që i ngjan asaj vrimës pasi del gozhda”, “ka lloj lloj mufosh”, “fisi gagacopullo”, “gomarica”, etj ishin disa nga fyerjet që Rama përdori për opozitën.
Lexo edhe: “Toka është e ndotur”, Rama- opozitës: Si vrima që ju ngeli në dorë
Por kur deputetët nisin t’i binin tavolinave për gjuhën e përdorur ndaj tyre, ai tha se në këtë seancë nuk kishte ardhur të fliste vetë, por me gjuhën e mësuesve të tij.
“Duhet ta them, nuk po flas unë, po flasin ca të tjerë, unë thjesht po lexoj ata që ju kanë njohur më parë kur as ju nuk e dinit që ishit gjallë. keni qenë atje në 1912 e kjo është fatkeqësia juaj nuk e dini jeni në mision. Unë s’po them fjalët e mia janë gomaricat e Faik beut. Për portet ankohen më shumë ata që nuk dinë not, nuk e them unë, mërziten thonë ç’është kjo gjuhë. Kjo është gjuha e mësuesve të mi e sot ka ardhur t’u flas përmes tyre”, u shpreh Rama.
Discussion about this post